騙徒新招扮槍手好搞笑　一句無錢即可KO

騙徒手法層出不窮，電話騙案無日無之，東網收到一段錄音是騙徒與對方對話，操大陸口音的騙徒扮演「槍手」，指掌握對方樣貌和行蹤，若開槍，對方一早無命。然而，對方並無被嚇倒，一句經濟有問題，拿1000港元出來都難，便擊退騙徒。

雙方有趣對話節錄如下：

騙徒：你有無得罪到一個人？

對方：得罪邊個？

騙徒：有人攞你資料畀我，叫我搵你。

對方：我都唔知得罪邊個。

騙徒：嗰個人攞晒你資料畀我，你嘅相、你嘅地址、你喺邊度出入。嗰日我攞你相對啱係你，如果我嗰日我開槍，你今日都瞓低咗！

對方：係呀？我都唔知咩事......

騙徒：我開槍，你一定無命......我係求財......

對方：我經濟上有問題，你要叫(我)拎1000蚊出嚟我都艱難......

騙徒：咁唔再傾啦......(收線)