網民熱話:港鐵App新功能 被指剽竊創意

2017年09月14日 13:02
東網電視
更多新聞短片
港鐵App新功能被初創企業指剽竊創意。(設計圖片)

手機應用程式開發商「Pokeguide」昨晚(13日)在 Facebook 專頁,發文指港鐵手機應用程式「MTR Mobile」兩個新功能,包括「快捷出站」及「站內搜尋」,均是源於早前與港鐵商討合作時,他們向港鐵提出的兩個創意概念,但港鐵自行研發相關功能,「Pokeguide」一方認為形同剽竊。港鐵則回應指,早年已留意相關技術,衡量不同方法利弊後,決定自己加入相關功能。

Pokeguide為本港一間手機App初創公司,其港鐵路標手機App「Pokeguide」,提供港鐵資訊,在香港有13萬用戶。早前Pokeguide創辦人曾與港鐵方面商討合作機會,當中曾向港鐵分享「Pokeguide」上的科技創意,當中包括「快捷出站」及「站內搜尋」的兩個方便乘客的功能。

「快捷出站」本身是「Pokeguide」App的賣點,旨在提供車卡車門位置,引導乘客更快出站,「站內搜尋」,則是在站內安裝感應器後,能即時向乘客發放最新站內資訊。最終港鐵「MTR Mobile」兩個新功能與「Pokeguide」的意念類同,令「Pokeguide」不滿:「直到上星期睇見佢地(哋)大肆宣傳先知我地(哋)嘅idea(意念)又被無通知下徵用咗…」

「Pokeguide」創辦人Brian Hui向東網記者表示,自貼文發出後港鐵曾派員與其聯絡,但仍未正式接洽。他坦言,過往亦聽聞不少初創企業,與其他企業相討合作後,結果被剽竊創意。他指出,與港鐵並非對立,雙方去年5、6月最後一次會議時,「Pokeguide」一方表示願意為港鐵提供技術支援,惟當時港鐵並沒採納,僅回應指意念好,並會與其他部門研究,但自始再沒合作,最終港鐵竟自行研發同樣的技術。

Brian續指,「唔抄都抄咗」,相信只要繼續開發方便的技術,「Pokeguide」不會被港鐵App取代:「我希望港鐵可以開放數據,例如班次、車上人多人少、故障等嘅數據,等唔止我哋,其他IT人都可以一齊開發更多新意念。」

港鐵客戶體驗拓展總經理Annie今日(14日)中午於港鐵Facebook 回應事件,指港鐵已在2013年及2015年留意到「快捷出站」及「站內搜尋」意念,「同時間,有唔少乘客同我哋講過,希望可以加啲類似嘅function入去MTR Mobile方便佢哋。」因此曾與不同單位商討相關事宜:「喺衡量過不同方法嘅利弊之後,包括資料準確性同發展方向等等,最後我哋決定喺我哋自己嘅MTR Mobile加入快捷出站功能,方便乘客。」

至於對「站內搜尋」亦有解釋:「坊間一啲大型基建同德福廣場亦都有應用呢個技術,所以我哋都著手研究,最後將呢個技術應用埋喺站內搜尋功能。」

Annie表示,會主動聯絡Pokeguide解釋事件,作更好溝通:「我係一個比較傳統嘅人,但我都知道世界未來嘅發展係要靠年輕人嘅。所以我都好希望喺唔同嘅範疇包括I.T.同Social Media等等,同多啲startup合作。而將來亦會多注意喺溝通上面有冇可以做得更好嘅地方。」

港鐵發言人亦回覆指,由今年9月4日起,港鐵手機應用程式MTR Mobile已增加「快捷出站」及「站內搜尋」兩個新功能,並提升現有的Traffic News功能,透過先進科技,為乘客提供更個人化的服務。

網民有話說
HO Wiy Hang:咁都叫抄?ICQ畀WhatsApp、Line同WeChat抄?呢啲資料如果對乘客有用,港鐵點解唔可以自己做?

Skltfz Skltf:抄呢啲嘢,好抽象,如 twitter 算唔算抄Facebook。

Hin Ho:即是同你開完會...拎咗你個Idea來自己做...基本尊重都無。