搜查線：元朗限定燈籠街　掛千個燈籠成景點

「一年容易又中秋」，雖然中秋未至，但元朗一帶已洋溢着濃厚的中秋氣息。在元朗大橋街市內，一條長約40米、「期間限定」的「燈籠街」已經出現。逾一千個具傳統特色的紙紮燈籠，在頭頂形成一大片燈籠海。每個燈籠的造型都各具特色，難怪放出不久，已吸引到大量來自五湖四海的人士慕名前來，為這個人月兩圓的節日增添熱鬧。

市面上的傳統手造燈籠愈來愈少，但走入元朗燈籠街，抬頭一看只覺花多眼亂。時值農曆八月初，即使是平日下午，都有大批遊人前來，將街市通道擠得水洩不通。上千個燈籠，原來全部屬於香燭店店主。「啲人喺好遠地方都嚟，好畀面！」老闆娘陳太指，自80年代起已是如此放置燈籠，近年因網上多人談論，令場面更為墟冚。

「懷舊燈籠好難再有啦，原材料(皺紙、玻璃紙等)愈來愈少，再加上好少人入行，喺出面已經好難見到。」陳生和陳太平日售賣祭祀用品，每到中秋才賣燈籠。手做燈籠近40年的他們，除了洋桃、大白兔、金魚等經典造型，近年亦加入不少從未見過的新穎設計，諸如月亮、大象、海豚等等，適逢雞年，又創出公雞燈籠。一個個燈籠全由本地師傅在位於屯門的廠房製作，是真正的「本土出產」。

燈籠造型精緻，放在一起形成壯觀畫面，猶如置身古代的綵花燈會。不少遊客專乘前來，日前就有來自瑞士的遊客，購買大海豚燈籠回家作為手信。「見到佢哋好開心，好興奮，我哋一樣好開心！」即使不少遊人齋影唔買，但不論街坊或者遊客，老闆和老闆娘一律「任影唔嬲」，甚至出手揸機，教客人擺pose影相。

採訪當日，已移居新加坡多年的曾小姐，上機回國前一刻都要趕到現場，拍照時亦有感觸，「中秋節係好重要嘅節日，諗起就掛住香港唔捨得走，所以專登過嚟，想感受下中秋氣氛！」一年一度的「燈籠街」，只在農曆八月初一擺至八月十五擺放，各位想親歷其境的話，就要趁早了。