奪命車禍：斥編更無人性　家屬促城巴道歉　

奪去3命的巴士車禍中，被捕車長被揭在事發當日及前一日直踩13小時工作，城巴高層強調安排符合運輸署指引，惟城巴幾乎用盡指引規定車長每日14小時工時上限，做法為人詬病。對此做法，女死者謝鳳英的姨甥周先生怒斥規定「無良知」、「無人性」，批評城巴是始作俑者稱：「城巴梗係要道歉啦，唔係話政府規定係咁，你就要做到盡，唔係話司機想踩多2個鐘，你就畀佢踩，合唔合理吖？」

周表示對城巴的做法覺得「好愕然，好震驚……唔明點解政府同運輸署會容許巴士公司咁樣編更，試問一個人連續喺路面揸住咁大部車14個鐘，就算中間有休息時間，休息係咪足夠呢？」他質疑，車長做足14小時，即是只剩下10小時休息，期間「仲要搭車、食飯，返到屋企仲有自己嘢做，可以做到啲咩？休息得幾耐？」

對於城巴回應指無違反指引，周斥責城巴「涼薄」，強調：「係咪咁就係無問題？公道自在人心」。他認為城巴及政府均要為事件負責，查明及交代真相，還死者、傷者及家屬公道「唔係話死者已矣就算」，同時希望政府能檢討現行的制度，改善不足之處，切勿一成不變，要避免再有同類事件再發生。