網民熱話：港鐵特惠站壞機　派$2硬幣益街坊咁筍？

港鐵於各區設置特惠站，提供2元乘車優惠，讓乘客節省車資。不過今日（25日）乘搭南港島線時，有職員竟然「現兜兜」向他派發一個2元硬幣，彌補特惠站因故障而不能夠拍卡提供優惠。但該受惠網民似乎並不領情，質疑港鐵「亂咁派錢」不能接受，認為乘客未必取錢後會搭港鐵。但亦有網民希望「長派長有」。港鐵證實今日曾「派錢」，全因該職員希望可以幫到乘客，讓他可以盡快乘車。

網民梁先生於《南區之友^o^》群組發貼，表示今早發現位於深灣辦公室大樓的特惠站壞機，無法拍卡享用優惠，於是特意走到黃竹坑站告知當值職員。豈料該職員竟直接給他2元硬幣代替優惠。梁先生甚為驚訝，質疑對方「未入閘你都畀錢我？」對方卻支吾以對。他直言不能接受此做法，無法證明取錢人最後真的有入閘乘車。

有網民質疑：「如果啲人攞咗錢但係唔坐港鐵咁又得唔得？咪即係用我哋嘅錢亂咁派錢畀人？」認為港鐵做法奇怪。但亦有網民歡迎做法，希望長派長有。

港鐵發言人回覆指，今早7時許接到乘客於黃竹坑站查詢，得知深灣辦公室大樓特惠站未能正常運作，經過檢查後發現為機件故障，以致乘客未能得到其優惠。一般情況下，受影響乘客可以到任何港鐵站的客務中心，職員會幫乘客拍八達通卡，得到特惠站的優惠。至於上述所提及的情況，該位職員是本着服務顧客精神，希望可以幫到乘客，等佢可以盡快乘車。

按港鐵網頁上的優惠細則所示，只要於特惠站拍成人八達通卡，並在指定港鐵站入閘，即可慳$2車資。

網民有話說

郭積少：咁一日係咪可以行／攞無限次？

Carol Chang：行完過去先無得用，知道有錢派就唔行啦！

Daisy Lo：派錢咁好！

Kevin Tsui Yuen Wa：可能係培訓不足問題。

※緊貼網民熱話，掌握最熱話題，請關注網民熱話fb：