搭巴士拒摺BB車又爆罵戰　車長咁回應...

近日一名媽媽於社交群組《巴打絲打Facebook Club》貼文指，一名巴士司機要求她摺好嬰兒車後才上車，但她直指：「我個B三個月大，喺BB車入面瞓緊」，因而拒絕摺車，更聲稱司機一手推跌其嬰兒車及自己。

不過，大批網民留言質疑事件真實性，認為巴士司機一般不會使用暴力。有人說：「上車前收BB車好正常啊」，更有網民揶揄「咁巴閉咪去搭的士囉」。

事後，有人於Facebook留言自稱為涉事巴士車長一一回應有關指控。他指該名女士當時推着嬰兒車並沒有排隊，更意圖強行上車，但被他攔阻。其後他要求對方需摺好嬰兒車以及排隊，強調自己沒有掟嬰兒車落巴士，更稱當時車廂以及等上車的乘客可以證明。他續指對方最後沒有登車，亦沒有即時報警，改乘搭下一班車時，卻向另一車長報稱其小朋友受傷，要求報警。

《港呢啲》找來一位資深媽媽，分享帶嬰兒搭巴士的注意事項。她認為，即使媽媽攜帶嬰兒車外出，上車前亦應先換上揹帶：「自己抱住個仔上車仲安全，有啲好心人見你帶住BB車，都會幫手摺埋拎上巴士」。

如果想用嬰兒車而又不想太狼狽，可以選購「一手收車」的嬰兒車，以免收車涉及太多步驟，釀成麻煩。如果不想換車，用揹帶又太吃力？該媽媽建議家長可以乘搭其他公共交通工具，例如地鐵或的士。

---------------

《港呢啲》：大事小事騎呢事，東網電視嚴謹選題，輕鬆製作！