每日一片：電動車冇晒電？　現代版人力推車

電動車可為城市帶來潔淨空氣，不過身為車主，就必須留意車輛耗電量，事關充電站並非「總有一個喺左近」，遇上電力耗盡，隨時在途中「跪低」，又或要搵救星幫手。近日網上流傳一段片段，背景是一個停車場，一輛電動私家車疑電力耗盡，陷進退兩難之局，幸最終得三名「壯男」協助推車。

片段開始，拍攝車輛及前面一輛車被塞在路中央，原來一輛由女司機駕駛的電動私家車正準備泊車，不過行車速度奇慢，因為泊車並非靠電力，而是靠人手。一名男子來回車頭及車尾位置，用力前後推動，期間更不忘「度位」，「校啱」位置將電動車準確推入泊位，經一番努力，電動車成功泊入車位，但此時卻發現，原來受視線所阻，推車並不只有一人，而是有3名男子，當中一人更是有些年紀的長者，估計部分「壯男」是被塞在路中央的司機。

在網民直指司機未有留意車輛電量，幸好在停車場「跪低」，否則在路中心出事，就更加狼狽，又有人笑指車主：「有冇安排流動尿袋？」不過亦有人幽了車主一默：「我只係想知個女司機係咪好靚？所以咁多人想幫佢推車。」