每日一片：巴士站違泊　女司機微笑揮手照阻路

大埔廣福道人多車多車站亦多，路面繁忙，不過日前有女司機仍然無畏無懼，大模大樣將車泊在廣福道的巴士站，無視老人要走到馬路上小巴，巴士又未能埋站之苦。女司機跟女傭泊好車後，更未知何故向後面未能埋站的巴士揮手示意，無視交通違例。不過其行徑已被後車上層乘客拍下，不少網民看到直呼「世界級停車」，必須抄牌拖走。

該片段前日（3日）被上載到Facebook群組「Tai Po 大埔」。片中所見，該輛駕駛白色私家車的女司機，在大埔廣福道巴士站停車，然後與疑為外傭的女乘客一同下車。該處是至少13條日間巴士線及多線小巴的站頭。私家車違泊後，只見有小巴因私家車佔用了行車線，要乘客走到馬路上客，雙層巴士亦因此未能埋站。

然而，女司機也未有打算改泊他處，反而從容地落車走到大埔墟方向，期間更向後面巴士司機方向揮動手指，未知其手勢真正用意。拍片者怒斥女司機行為自私，決定報案舉報：「呢啲係乜嘢人呀，咁方便自己，已報好人（警察）！」有網民亦不值女司機所為，認為她的泊車態度直逼「世界級」：「乜揮下手揚下手就可以大晒喇咩？」