每日一片：巴士晾腳又嘈交　湊女婦：關唔關你事？

「巴士阿叔」事件影響後世深遠！昨晚（11日）一輛九巴駛到觀塘時，車上突然發生爭執。一名湊着女兒的婦人脫掉鞋子，將兩腳晾在對面的座椅。有後座的男乘客不值其所為出言勸止。豈料觸動婦人神經，轉身斥責男乘客多事：「關唔關你事？關唔關你事？」有人其後將影片放上網， 大嘆：「教壞自己個女，我都話咗下一個坐，如果你係下一個你知道有人踩過你會點？」

昨晚10時許，當一輛開往油塘的九巴259D線駛到觀塘道時，一名湊住女兒一同坐車的中年婦人，因脫掉鞋子，將兩腳晾在對面的座椅上，與後座青年男乘客發生爭執。從其後被放到網上的片段所見，男乘客叮囑婦人「唔好晾腳」後，婦人隨即指罵反駁：「關唔關你事？ 關唔關你事？ 關唔關你事？ 咁多事做乜嘢？ 」男乘客因婦人「連珠爆發」未能及時「還擊」，但最終也令婦人因要嘈交，而放棄晾腳。只見婦人的年幼女兒坐在一旁，看着媽媽與人對罵。