黑白兩車同一車牌　網民：唔通係影子車？

同一個車牌號碼可用於兩架車上？近日有網民於社交群組「馬路的事討論區」上貼出一張照片，拍下兩架私家車沿用同一個車牌，隨即惹起網民熱議。

從圖中所見，事發地點為長沙灣星匯居對出馬路，兩車同為奧迪車款，一架黑色，另一架為白色，但同時掛着「CA 41X」車牌。

有網民推斷於車行易車時，或會遇到該情況，「有D(啲)服務員跟得好足，會做定牌揸部新車來交給你，再掛T牌(試車牌照)揸部車走」，有人更指其中一架應該準備換上T牌。

不少網民都睇到「黑人問號」，更有人猜測其中一架車為影子車，「點會有兩個同樣車牌」、「話知乜嘢理由，等佢同差佬解釋啦」。

翻查以往報道，去年就有車主因賣車留牌，結果被影子車搞到一身蟻。當時車主將一輛私家車轉售給一名男子，但將舊有的車牌保留，並套於新車使用。豈料及後收到多張違例泊車告票，心感懷疑。於是到抄牌地點查看，驚見其舊車車牌仍然未改，行車證亦已過期，立刻報警求助，警方將案件列行使虛假文書處理。

---------------

《港呢啲》：大事小事騎呢事，東網電視嚴謹選題，輕鬆製作！