每日一片：唔好大教壞細　爭燒烤爐粗口橫飛

秋風起亦是踏入燒烤旺季，奈何香港人太多，爐太少，假日不時為爭爐引發紛爭。網上近日流傳一段拍攝於獅子山公園燒烤場的影片，兩批燒烤人士粗口橫飛對罵，引來在場過百人、包括小孩圍觀。

事發於前日（28日）下午5時許，片段分為上下半場。爭執源於一名紋身漢坐在另一正在燒烤家庭的石櫈：「我坐一坐咋嘛，又唔係話諗住唔畀返（燒烤爐）你哋，你使唔使咁Ｘ樣呀，個爐你哋霸先咪畀你哋囉。」

對方一個疑為人父的白衫男隨即反駁，指正有其他人等爐，直指對方打尖：「唔係我霸先，係（我）已經燒緊...我已經話畀你知有班?仔喺度等緊。」在他身旁的中年女子亦大叫：「公道自在人心」。

雙方以粗口你一言我一語，愈見激動，更手指指及互相推撞，要旁人制止。事件惹來在場其他正在燒烤的過百人圍觀，當中不乏小孩，有正在拍片的人士怕事件惡化，嚷着要報警處理。

網民看過影片後不感大嘆：「雙方都一家大細，嘈咩，心情都受影響啦，一齊燒咯，仲可以識多個朋友，香港人真係好大壓力。」

康文署發言人回應指，當時在場保安員接報到場後，發現涉事人已經散去，亦未有接到報警的要求及進一步求助。發言人續指，該燒烤場以先到先得形式供市民使用。