網民熱話：細路租單車無影　伯伯求半夜還車

近日網上流傳一張單車店的告示，指兩名小孩懷疑於該店於租借單車後「一去無回頭」，令經營該店維生的伯伯十分無助。張貼帖文的網友引述指，伯伯不計前嫌，只求取回單車，小朋友若怕尷尬可半夜在店外放低單車。事件引起一眾網民同情，呼籲兩名小朋友盡快歸還單車。

群組「盡在元朗」有網友表示，去找伯伯修理單車時向他求助張貼告示，附有兩名小孩的相片，指二人於上月25日租借單車後沒有歸還。該網民稱，單車店屬小本經營，直言對伯伯的遭遇感心痛。更有其他網民留言，指伯伯懷疑聽力有問題，直斥二人「冇家教」，此等行為已屬偷竊，建議伯伯先報警。亦有網民指伯伯心地好，給予兩名小孩下台階，希望二人回頭是岸。

網民有話說

吳志強：好心痛伯伯，小朋友偷有勇氣還都要有勇氣，伯伯原諒你，快快還。

Kwong Ming Tang：依家好多人真系(係)好無責任感

Po Shing：唔好畀我見到嗰兩個細路，嗰個伯伯又聾又啞你咁都呃

※緊貼網民熱話，掌握最熱話題請關注 on.cc fb：