大埔道驚見密斗貨車逆線行　網民：神級黐線

密斗貨車任我行？有網民在社交群組「馬路的事討論區」上載一段短片，顯示一輛大型密斗貨車在公路上逆線行駛，直至遇見對頭車才懂煞車，不少車友見狀都嘖嘖稱奇！

根據該車Cam資料，事發在上午7時許，拍片者沿青沙公路往大埔道方向行駛，豈料前方一輛貨車突然煞車減速，原來快線迎面而來是一輛白色大型密斗貨車！拍片者隨即扭呔切線，而逆線貨車則似乎驚覺自己行錯線，急忙打死火燈並停車。

由於該路段是來往新界與九龍的常用道路，而且兩個方向的行車線有雙白線分隔開，一般不會走錯，加上該公路一帶並無交通燈，一般司機不預期需要突然煞車，故逆線行駛的情況十分危險，不少網民看完片段，都大呼嚇人！

有網民直言：「神級痴（黐）線！」、「大車（行錯）真係好少見」、「唔係馬路炸彈咁簡單...直頭係核彈」。亦有人開玩笑說：「唔好阻住佢啦 ! 佢要咁樣一路揸番大6（陸）㗎」、「大陸式捷徑」。由於該貨車最少逆線行了近400米斜路，才到達最終停車的地方，而在該公路掉頭有一定危險性，所以有網民質疑，到底佢點返去？

---------------

《港呢啲》：大事小事騎呢事，東網電視嚴謹選題，輕鬆製作！