網民熱話：機場交通意外　龍蝦拋車外負傷逃

機場今日（14日）發生「交通意外」，禁區內南環路至少5隻目測逾4公斤的貴價澳洲龍蝦，疑被拖架貨車拋出車外受傷，龍蝦散落一地。現場有客貨車經過亦未有落車上前施救，惟當機場工友接報後趕往現場，發現貴價龍蝦已被人搶先一步執走。

事發於今日早上約10時，有澳洲航班運抵一批、由發泡膠箱盛載的貴價龍蝦後，機場貨運職員將龍蝦轉由拖架貨車運走，惟當貨車經過禁區內南環路，疑因轉彎太急將其中一箱龍蝦拋出車外，遺留在禁區內。從事後被轉載到Facebook「香港機場實況討論區」的相片所見，至少5隻活生生龍蝦散落一地，在馬路上爬來爬去。

有機場工友表示，一般情況下，被意外散落的貨物會被運到貨倉，再視乎貨主會否前來認領，而早前亦有不少如蟹、鱔等海鮮被拋出車外。惟今早有同事接報後到場了解時，已發現龍蝦已消失，未知是被人執走一空，或是已爬過圍欄回歸大海。

網民有話說：

Joey Lau：仲未變龍蝦餅！

Ray Leung：新鮮，走地龍蝦

德長官：有無幫龍蝦檢查傷勢？

翁少宇：見者有份我要一只大腳！

※緊貼網民熱話，掌握最熱話題，請關注網民熱話fb：