網民熱話:菜檔姐偷十蚊銀斷正 檔主:賠18萬

2017年11月14日 19:40
東網電視
更多新聞短片
一段菜檔店員的偷錢影片在網上瘋傳。(互聯網)

今日網上流傳一段影片,一名菜檔老闆疑在店內,捉拿一名負責睇檔的女下屬偷錢,並拍片放到網上公審。只見老闆要女店員翻開手袋,拿出一大堆10元硬幣,店主與另一男子從旁數錢,懷疑當日店員偷了總值530港元的10元硬幣:「我落咗汗,(菜檔收回來的)10蚊點咗藍色筆(記認)喺度。」只見店員並無反抗,無奈站在一旁。姓葉店主其後回覆東網指,因店員年紀老邁,不欲報警拘捕她,因此希望拍片,以示懲戒!

從該段片長6分半鐘的影片所見,菜檔男店主找人舉機拍攝,與疑偷錢的女店員對質。男店主拿着點了記認的10元硬幣,表示早已由店內CCTV拍攝到其偷錢過程,並非插贓嫁禍。男店主稱:「你自己解釋,發生咗咩事,點解會有530蚊大餅!」女店員其後當場承認,當日偷了530港元。店主因此估計,該店員半年內每日偷500元硬幣及500元紙幣,總數18萬元,要店員賠償「畀錢贖身」,亦懷疑菜檔前1個月虧蝕10萬元,與其偷錢有關。

有網民不值女店員行為,認為人贓並獲,店主可直接報警坐監留案底。但有網民怒斥店主做法,該店主如此對質,有可能誤墮法網:「你自己都識講我今日捉到你係咁咪賠番530蚊畀你,香港法律係要講證據,你嗰半年都捉唔到係你弱雞啫,個老細隨時畀人告多條恐嚇勒索,監守自盜係最多罰5000,個老細仲以為自己好型!」

「依家冇報警只為放左佢走!」該個位於黃大仙竹園街市菜檔的店主葉先生,回覆東網表示,片段拍攝於約2星期前。未有報警追究除因怕麻煩,亦因該女伙計已60多歲,事後亦未有叫她賠錢就放她走:「啲伙記知道件事後,一時之間大家都唔知點處理,始終相處半年有感情,有啲伙計仲流眼淚喊咗出嚟。」

店主續指,他經營的菜果檔共有6至7名員工,涉事阿姐負責睇菜檔,至今已工作半年,是登報紙以日薪大概700元聘請。直至近月,發現10元硬幣的數量大減,認為情況有異,經翻查閉路電視後發現有員工偷錢。發生此事後,他並不打算放上網,只是發送了給一些同行,以示警惕。後來有人擅自將片段放了上網,「我都唔想搞到咁大件事!」不過,店主直指,女店員一直未有悔意。

網民有話說

Wales Wong:報警坐監留案底,good

Sum Sum Cheng:老闆你都好人有限,禁住搶,好過印銀紙,報警啦~

Apple Lau:報警啦,咪係度靠屈,530賠18萬,傻Q左

Kelvin Kowwloon:法治社會都出咁多法盲?她有承認犯偷竊,但賣菜老闆就好像警察、神探、法官、貴利佬上身、又說蝕幾多,就要罰幾多?又估計這樣那樣,放上網連自己都被公審一份。偷、呃、拐、騙、搶、賊贓嫁禍、擄人、恐嚇、勒索同是犯法行為,應該留給法律去制裁。


※緊貼網民熱話,掌握最熱話題,請關注網民熱話fb:
http://on.fb.me/1L3m1ro