下載東網APP 今晚齊齊睇德甲直播

20171118
東網電視
更多新聞短片
on.cc東網氣勢如虹,體育直播領導市場,驚喜一浪接一浪,近期更衝向國際,直播德國甲組足球聯賽,為網民帶來世界級足球賽。今晚(18日)為大家帶來「孖堡大戰」,由禾夫斯堡主場對弗賴堡,除咗睇波之外,更會有好多猛料送畀各位網民。(東網周六晚10時15分起直播)
德國是世界足球強國,曾4奪世界盃冠軍,足球水準之高毋庸置疑,其聯賽亦被公認與英超、西甲、意甲相同,並列為歐洲四大聯賽,一直深受世界各地球迷歡迎。最為港人熟悉的德甲球隊,首推拜仁慕尼黑及多蒙特,但其他隊伍的作戰水準其實亦甚高,而且近年各隊都崇尚進攻,快上快落,比賽可觀性極具保證。
今晚直播的「孖堡大戰」亦必定打甩髀,主隊禾夫斯堡成立於1945年,屬德甲老牌勁旅,目前有前德國國腳馬里奧高美斯助陣。今季禾夫斯堡換教頭後連和7場,被香港球迷改名做「和波之寶」,認真搞嘢!今晚主場出擊,必定出盡法寶,希望為新帥馬田舒密特打開勝利之門。弗賴堡今季作客經常有大手交易,所以今仗預計會係多入球賽事,唔想錯過精彩入球,記得準時上東網睇入球騷喇!
除睇波之外,今晚直播仲會有東方日報波經名家樂比堅尼,同邢安邦合拍講波。樂比堅尼寫波經推介超過15年,對各國開盤賽事的賠率、盤路有獨到心得。除「孖堡」之戰外,他亦會對同晚其他賽事作即時波盤分析,希望同大家拍住上,於周六足球夜成為贏家。
除東網網頁版外,更誠邀各位下載東網手機APP,今晚即使不在家中,亦可隨時隨地欣賞這場德甲賽事,及接收我們提供的博彩資訊,盡情發揮網上優勢,做一個最精明的足球專家。
今晚睇完德甲,周日東網繼續有好波送上,下午直播在青衣運動場舉行的港超聯賽事,由夢想FC對標準流浪的青春軍大戰。