兩男巴士開片　阿叔打完人勸對方：唔好咁惡

「你有壓力，我有壓力！」巴士大戰屢見不鮮。日前，有社交專頁「柏斯敦巴士台 plaxtonl's Bus Page」上載片段，指有兩名男子於新巴26號線下層車廂，因事口角，繼而動手。事件惹起網民熱議！

片段甫開始，見到一名身穿藍衣「踢拖」的中年大叔，在車頭位置爆粗大呼：「X你老母」，並緊箍白衣青年頸部，大叫「落嚟呀」，圖將青年扯落巴士，但未能成功，兩人其後進入車廂內繼續爭執。

擾攘逾分鐘後，兩人雙雙下車。青年遂着途人報警，豈料，「踢拖」大叔開始訓斥青年，反問為何只是望他一眼，卻換來多次「問候」。而對方則大呻無辜被打，大叔竟語重心長地說教：「後生仔，你唔可以咁惡㗎！」令事件更耐人尋味。

有網民留言指該事件發生於上月，有人打趣指兩人打架似「阿媽教仔」，亦有網民批評車長就手旁觀，「個司機食花生食得好開心」，認為車長理應報警！

---------------

《港呢啲》：大事小事騎呢事，東網電視嚴謹選題，輕鬆製作！