每日一片：乘客遮側鏡兼爆粗　車長壞車玩罷駛？

巴士車長與乘客一旦發生爭執，受害絕非兩位當事人，而是一眾無辜乘客，行程受到拖延。近日網上一段巴士片段，就是一個例子。片中有乘客懷疑因站近巴士門口位置，並遮擋側鏡，車長出言埋怨「睇唔到路」，卻招來對方爆粗回應，最後一氣之下，索性表示壞車，停下巴士，而雙方戰火更由車廂鬧到街頭，一眾乘客只能呆呆等待轉車。

根據車Cam資料顯示，事發於上周六（2日）晚上約11時，當時巴士埋站後準備離開，期間車長埋怨左邊側鏡被乘客遮掩，乘客聞言反應極大：「遮你XX，唔好X開車呀！」說話即時觸動車長神經：「係咪呀，再X呀，噢，壞車」。雙方隨後以粗口對罵一輪。

片段隨後跳至街頭，相信由車長舉手機拍攝，其中兩名男乘客指斥車長「玩嘢」，其中一名男子一直反拍車長，批評車長「冇禮貌」、「講粗口」，又指車長「你返緊工㗎，我係客，明唔明？...我一定投訴你，你冇工返添，不知所謂，知唔知你做緊服務性行業！」連珠炮發式批評車長。

看過片段後，不少網民認為車長出言埋怨無可厚非：「巴士司機都係為乘客安全着想，何必要向巴士司機問候」、認為乘客講粗口在先，「畀幾蚊當（自己）大爺」。