O camp大花筒?舊生爆料 啲錢原來咁使晒!

20171206
東網電視
更多新聞短片
迎新營被質疑大花筒,到底錢花在哪兒?(設計圖片)
搞大學迎新營,分分鐘幾十萬上落?近日城市大學學生會被揭勁蝕30.4萬元,震驚全城。開支之大,令不少人「?爆頭」,到底O camp的錢花在哪兒?
有城大迎新營(俗稱︰大O)前營長向《港呢啲》透露,舉辦迎新營不一定年年蝕錢,「我嗰年就冇蝕」。他表示,資金除了用於住宿費及交通費外,亦要預留一筆賠償費,「好多時營地話你整爛嘢,都要賠錢,但金額好難控制,好多時都口同鼻拗」。
至於物資費用,他稱通常會分為迎新營物資費用與長期物資費用,當中涉及不少外人難以理解的款項,「水桶要買大Size,要用咁多錢都係正常」。
對於有網民懷疑學生「報大數」,有負責規模較小的屬會迎生營(俗稱︰細O)成員表示,情況普遍。他指迎新營的開支收據,雖要向學生會財委會及轄下組織事務委員會提交,但稱「未見過財委會唔批」,因此有不少學生「博大霧」,將非迎新營開支的收據一併提交,「有啲人想Cap水」。
他透露,迎新營出現超支,通常由負責人私下補錢。不過由於是次超支金額龐大,暫時未知會如何處理。
---------------
《港呢啲》:大事小事騎呢事,東網電視嚴謹選題,輕鬆製作!