網民熱話：驚見長袍女白影 港鐵柴灣車廠鬧鬼？
20171208
東網電視
更多新聞短片
一張聲稱在港鐵柴灣車廠的鬧鬼照在網上流出。(互聯網)
港鐵柴灣車廠鬧鬼？近日網上流傳鬧鬼圖片，有人繪影繪聲指深夜時分柴灣港鐵車廠，有車廠維修技工目擊一名身穿白袍的白影，披頭散髮站在車廠一無人路口動也不動。網上留言稱，當時有技工直指見鬼，嚇得躲在技工室內不敢外出，更即時向廠長匯報。
從該張流傳圖片放大後所見，隱約見到相片中出現一個有腳人形白影，將手放在背後，站在室內車廠一處空地上。圖片帶有描述指：「長髮到腰着白袍企喺路口唔郁」當時有技工以為見鬼，嚇得手足無惜，更指曾向廠長匯報。事件隨即在不少港鐵車長群組流傳。
信不信由你，有網民就信了：「唔知點解，今次我信！我有朋友都撞過嘢，喺佐敦某SUBWAY（隧道），兩條友行到隧道中間見到一個阿伯望住堆火，行到離佢30米，仲係見唔到佢有眼耳口鼻，兩人互望，立即轉頭走！ 」有相信的朋友亦表示：「返得夜唔多唔少都有機會撞到。」
不過同時亦有大量的網友並不相信相中的是女鬼，「好明顯係人啦！」、「女鬼都要用手袋？」更有知情網友闢謠，澄清指當時有車長收工穿着便服，協助於平交道協助進行收車工序。網民稱：「其他唔知情況嘅車長入到車廠，遠距離睇到白衣女咪以為撞鬼囉。」更指相片早於多月前拍攝，卻被人截圖後看圖作文炒作事件。
港鐵發言人向車廠方面了解，相信事件與今年10月一宗報告有關。當時車場主管收到有身分不明人士報告。經查證後證實該身分不明人士為港鐵女職員，相信事件只是一場誤會。
網民有話說
Joey Yeung：搵鬼信咩
Ken Gregory：小弟覺得，如果真係鐵路員工的話就叫佢以後都唔好半夜三更着到白雪雪响間廠房到企响到唔郁啦！嚇死人㗎嘛！！！
Cassandra Cheng： 我影張鬼相畀你證明呢個係女車長唔係鬼？
蔡海洋： 好明顯見到有個手袋，女鬼都要用手袋？
※緊貼網民熱話，掌握最熱話題，請關注網民熱話fb：