斷正！無視交通警響號提醒　的哥照切雙白線

司機聽到響按要小心啦，因為出聲提醒的，隨時是交通警！近日有網民將一段車Cam片，上載至社交群組「馬路的事討論區」，指有的士司機違規時被交通警捉個正着。片段惹起網民熱議，不少人指的士司機「抵死」！

從片段所見，一輛的士停於金鐘法院道港麗酒店對出馬路，正等候右轉。其時，馬路後方傳來多聲響號聲，惟的士司機未有理會，在「不准右轉」的道路標誌前，越過雙白線右轉入酒店。

在響號聲不斷下，「狂砵」的司機亮出真身，原來是騎着電單車的交通警。該名交通警其後尾隨的士離去，疑準備作出票控。發貼者笑言︰「的士佬好急想入酒店上客，阿sir係咁B（咇）佢都唔知」。

不少網民看過片段後，大呼的士「抵死」！有人戲言，「咁大個不准轉右同雙白都唔識睇，響按又聽唔到，要去驗耳驗眼啦」、「接到個客都變白做啦」！有人則指，警察響按提醒，沒想到的士「不識好歹」︰「如果望到係警察，即時唔轉右，應該都唔會抄佢」。

想知當時情況？睇片啦！

---------------

《港呢啲》：大事小事騎呢事，東網電視嚴謹選題，輕鬆製作！