搜查線：攝影師傳授5招神技 影到女友靚絕無交嗌
20171211
東網電視
更多新聞短片
想哄得女朋友開心，影靚相是重要一環。
要幫女朋友影女神照，考起不少男朋友。今時今日，要做一個稱職的男朋友，攝影技巧絕對是必備條件。一張相可以哄得女朋友開心，亦都可以令女朋友大發雷霆，一走了之。有攝影師就教大家以下5大情侶攝影技巧，令情侶感情升溫之餘，更可「呃like」。
相信不少情侶為了影一張靚相，試過無限重拍及無數次的爭執、黑面。愛好人像攝影的攝影師Luke，大約一年前開班教情侶拍照，希望將人像拍攝的技巧傳授出去。「因為實在聽到太多投訴，話男朋友影得自己唔靚、好肥，影親都係最核突嘅角度」想減少磨擦，就要留意以下5大技巧：
首先，要留意光線。無論陰天或晴天，自然光源都會令臉上的光澤不平均、「一撻撻」。要避免臉色不平均，可以找一個「有瓦遮頭」的地方拍攝，就不會一邊黑一邊光。
第二，如果用廣角鏡，切忌太近影女朋友，要保持距離。要不，面部會被拉闊，如魚眼效果般。第三，影全身照，要影出長腿，可將腳貼近相片的下方，頭以上就要預留空位。同時，不要用高角度向下影，會頭大身細，低角度影，就會顯得雙腿較長。
第四，女朋友的姿勢亦有影響。坐下拍照時，要顯得雙腿更長，雙腿要伸出來，切忌將雙腿曲起。最後，想照片多點心思，可於鏡面前拍照，影出倒影。又或者，可以用邊行邊影，製造動感。
技巧外，情侶之間的溝通亦十分重要。「女朋友好多時都冇耐性，第一下唔能夠令佢滿意，第二下已經開始扯火，第三下都失敗，成日都唔使影，會嬲咗啦。」Luke指， 女朋友都需要有多一點耐性及給予男朋友鼓勵。
今年40歲的Luke，曾經是一位UX（用戶體驗）設計師，愛好人像攝影。兩年多前，於Facebook開設「Cabin Crew After Work」專頁，上載為空中服務員拍攝的人像照。為甚麼會選擇空中服務員為拍攝對象？「最初都好愁，願意畀你不停影去練習嘅人好少，之後因為喺航空公司做，好多空中服務員其實都鍾意被影相，所以開始接觸佢哋。」
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！