好心何價？的哥歸還電話　嫌40元車馬費太少

物歸原主，到底值多少報酬？近日有的士司機在社交群組「的士司機資訊網 Taxi」發貼，指有乘客在車上遺下手提電話，他好心送還後，卻只收到40元「茶錢」，直言「以後執到銀包電話一定據為己有。」

該的士司機表示，日前有醉漢遺下一部手提電話，電話套內還有八達通及數張信用卡。其後機主家人來電，雙方遂相約在失主家附近交收。

失主家人向司機道謝，並指會表揚司機，惟司機直言︰「我特登生意唔做，攞番個電話比（畀）你，茶錢都有啩！」該司機其後疑不滿失主家人僅付了40元，坦言︰「多謝呢個客人，令到我以後執到銀包電話，據為己有一定唔會有罪咎感！」

貼文惹起不少網民爭論，有網民認為失主「太小家」︰「又電話又卡又八達通，畀500蚊都驚唔夠啦」、「人哋搵錢都放低生意拎番畀你」。又有網民指，司機應不求回報︰「嗰句多謝仲唔夠咩」、「路不拾遺係應該㗎，做好心邊有做到咁計較回報？」

如果你係失主，你又會唔會畀「車馬費」呢？

---------------

《港呢啲》：大事小事騎呢事，東網電視嚴謹選題，輕鬆製作！