劫內衣褲：女街坊色變　「係咪變態㗎！」

一名夜歸女子今日(12日)凌晨在油塘油美苑澤美閣近停車場，遭變態賊劫走胸圍底褲，事件引來一眾女街坊心慌。街坊吳小姐因接小朋友放學，經常行經現場一帶，她稱：「啲家長whatsapp群組都有講呢件事，互相提醒要小心啲，知道呢件事梗係驚啦，錢財係身外物，最重要係保護好自己，如果要攞底衫褲都幾尷尬」，希望保安可以加強。

有街坊譚小姐得悉此事後大呼：「佢(賊人)有啲奇怪喎，佢係咪心理變態㗎？」又指涉事停車場平日人流多，無想過會發生這類案件，如果她遇到此事，會即時大叫救命求救。至於女街坊Mandy則稱，如果遇到賊人要求她脫衣服，會感到非常害怕，之後會迅速報警求助。

另外，街坊戴小姐表示，男朋友得悉事件非常擔心，早上看過新聞後即時傳短訊給她，着她注意安全，又指如夜歸會小心，留意有否可疑人尾隨，如遇上劫案，會假意答應對方要求，趁機逃走及報警。其男友李先生則指，平時會送女朋友歸家，若有事未能接送，會與女朋友保持聯絡，確保她安全返抵寓所。

讀中四的曾同學及張同學對事件均感憂心，指平日甚少出夜街，若夜歸會提高警覺，留意有沒有人尾隨，又會找家人或朋友陪伴歸家。