網民熱話：兩部手機遺貨VAN　被索$500畀唔畀？

平安夜跌手機在客貨車，應否付錢取回手機備受爭議！有網民在社交網站Facebook「運輸業界：客貨車群組 (貨van)-包鐘-包月-即時-預約。歡迎買賣:客貨車零件，音響，包圍。社團。」群組貼文，並上載了涉事客貨車及司機的相片，指他與友人於平安夜凌晨約1時半透過網上貨運物流平台召喚客貨車，乘搭期間懷疑在車上跌了2部手機，落車後即致電司機，司機承認拾到，其後將手機車回並向其索取500港元，他拒絕支付，只願付出200港元，司機即拒絕交還手機及開車離開。

事主在群組聲稱「向運輸業界求助！拒絕無良司機！」他指當時落車後，已即刻發現遺漏電話在車上，「個(嗰)時架(㗎)車出緊個屋苑閘，已經即刻打比司機，其實司機番轉頭都唔需要1分鐘時間，但司機同我地(哋)講話有個柯打接左(咗)先，接完個柯打先番黎(嚟)比你，因為司機話個柯打都係觀塘入上水，到時順路比番我地(哋)」，事主稱他們當時曾反建議自己乘車前往取回手機，惟遭對方拒絕。

他續指，3小時過後，該名司機將手機車回給他朋友，並向他索取500港元，其朋友只肯支付200港元，司機便直接開車走，無交還電話，亦沒有接聽電話。他最後承認「事實上係我地(哋)自己衰無睇清楚就落車」，但稱經已報警。

事件引起大批網民熱議，不少網民稱「食花生」過聖誕，亦有部分網民批評事主理應向司機給予500港元取回手機，認為以500港元拾回兩部手機，非常值得。

網民有話說：

Danny Cheng：個司機肯聽電話同剩係「屈」你幾百咪算係咁囉...

Matthew Yip：呢單野(嘢)只係得條友自己講啫，冇証(證)冇㯫(據)

Wa Lee：2部電話500都唔想畀仲要話人勒索

Chun Ming Ho：500蚊我唸(諗)賣左(咗)你部電話都一定多過500，車番比你唔洗(使)錢嗎？

Ryan Wong：得啖笑