女生墮樓：分數努力非正比　傾訴鼓勵最緊要

註冊輔導心理學家萬家輝博士表示，成績優異的學生，並不等於無讀書壓力，指出：「學生自己可能唔滿意，覺得自己點解考唔到第一，畀好大壓力畀自己。」他勉勵學生：「付出幾多努力唔代表攞到幾多分，所以只要盡了自己努力就足夠，考試成績唔代表啲咩嘢，唔應該太介懷同畀壓力自己。」而家長應對子女付出的努力作出讚賞，不應只着重分數。

萬又稱，大部分小朋友都不懂表達自己的情緒，亦不會宣之於口，所以家長應留意小朋友的非語言表現，如發現他們有失眠、食慾不振、難集中精神、情緒有異或興趣有轉變等，就應提高警覺。萬續指：「家長唔好以為小朋友講嘢好叻，就識得表達，如果覺得有唔妥，要同佢哋坐低慢慢傾，睇下佢哋有咩唔開心，聽佢哋傾訴，鼓勵佢哋，同佢哋一齊面對。」同樣，如果小朋友發現自己出現上述反應，要留意自己情緒，盡快尋求家人、師長或社工協助。