政Whats噏:何君堯發炮 批大律師公會食懵咗

20180104
東網電視
更多新聞短片
何君堯不點名批評大律師公會就一地兩檢發聲明。(資料圖片)
多次語出驚人嘅立法會議員何君堯,今早(4日)凌晨佢又再喺Facebook發貼,不點名批評大律師公會就一地兩檢發聲明,及退休警司朱經緯揮警棍襲擊男途人被判囚一案。佢最後仲質疑「是否Short咗呀?」
何君堯今早凌晨1時多發貼,話近排怪事多蘿蘿,仲問「巴佬是否食矇(懵)咗?」,指斥「巴佬」用一個沒有法律地位嘅聲明,去挑戰一個富有憲法地位嘅人大決家,仲要話人無法律基礎,反問「唔通佢有?」。佢提到嘅「巴佬」,應是指大律師公會,因其英文名稱係「Hong Kong Bar Association」,以「Bar」嘅同音字變成中文嘅「巴佬」。
另外,何君堯又話,有啲裁判官嘅量刑標準亦非常參差同莫名其妙,對輕微犯錯嘅執法人員就重判入獄三個月,而對衝撃立法會嘅滋事份子就輕判社會服務令!