自閉童被打：母深宵難眠網上貼文　冀還自閉兒公道

昨午（10日）金鐘港鐵站一個老翁，疑因不滿有自閉症的小朋友踢到他，而出手打小朋友，雖然母親代自閉童先後8次道歉，但事後老翁仍未有聽從港鐵職員勸喻，留下等警員前來調查，而即時跳車逃走。在接受東網訪問後，今日凌晨（11日）自閉童母親黃女士 （Milk）在Facebook撰文，再次詳細交代事件，並希望能為兒子尋回一個公道。

「各位我是今日地鐵事件的媽媽，希望大家能了解今日的事…」黃於Facebook群組「香港突發事故報料區」交代較早前網民拍攝她與港鐵職員理論影片的當時情況。

黃表示，最憤怒的並非單因老翁打仔事件，而是認為從旁的乘客顛倒是非：「我憤怒嘅唔咪因為阿伯…我已8次低聲下氣地說孩子是特殊小朋友對不起，你哋呢班所謂正義人士冇人出手幫過我兩母子，到第9次啊（阿）伯依然咁大聲回應我嘅時候，我提高聲浪話我仔仔唔小心踢到你有錯，但你專登打返佢亦有錯，就即是全人聲討話我蝦阿伯，仲生安白做（造）事情及人身攻擊，繼而地鐵職員及警員的所謂公義令我整個人亦憤怒得粉碎了。」

黃希望借詳細交代事件，讓人明白自閉兒的行為並不是過錯，還他一個公道。黃女士昨晚接受東網訪問時坦言，帶着1個輕度自閉，1個中度智障同時患有自閉的兒子外出，受到旁人白眼可謂家常便飯：「免疫㗎喇！對唔住、唔好意思，成日掛喺口邊。」

旁人隨口一句毒舌「傻仔唔好帶出街啦」、「收聲啦！帶佢落車啦！」，對於照顧特殊兒童的母親來說：「好似一把刀咁，好痛，作為父母，十月懷胎生佢出嚟，我都唔想咁，我都已經想盡辦法令佢唔好騷擾到人，點解連一個小小嘅空間都唔可以畀我？」