自閉兒被打：現場片曝光　塘邊鶴與涉事母粗口互片

自閉童在港鐵疑被老翁打事件引起社會關注，再有現場片段流出。有人上載現場片段，見涉事母親(黃女士)與一名男乘客對罵，疑有人認為黃女士「蝦呀伯」，出口斥責，粗口橫飛，又人身攻擊黃女士，而黃女士亦情緒激動，以粗口回敬之餘，更掏出手機指向男乘客，大斥：「你再講多次！你講呀！」但當黃女士想拍下他人身攻擊的語句時，男乘客忽然收聲，更謂：「冇講呀！」

在場人士余女士接受東網訪問時直言，她一上車已經看見兩人爭執：「其實個媽媽係比較激動嗰種，其實如果個男人唔出聲，佢應該就冇嘢！但呢個男人唔知點解又無啦啦話佢！」