你要知:必學保暖穿衣法 冬天輕裝抗嚴寒

2018年01月13日 06:00
東網電視
更多新聞短片
衣着臃腫未必夠保暖,穿得正確才是最佳禦寒方法。

剛過去的一星期,香港冬意終於變濃,氣溫驟降至約10度,令不少市民着到「成隻糉咁」。不過,進行戶外活動、行山時,穿得多不代表愈保暖,穿錯衣服更隨時弄巧反拙,愈行愈凍!有攀山專家分享冬天行山時,最為保暖的3層穿搭法。

天寒地凍,要在戶外活動,多穿幾件衣服,再在外面添上一件羽絨去行山,看似是萬無一失。不過攀山專家鍾建民卻說,穿得太多衣服行山,會令人感覺臃腫、「論盡」,減低動作敏捷性,更不建議穿着羽絨行山:「就算你係日本或南韓行山,我哋都比較少人用羽絨衫。因為當你有動作嘅時候,身體會出汗,羽絨會加劇咗你裏面件衫汗濕嘅情況,即係會排唔到汗。」身體被濕透的衣物包裹,隨時會令人更感寒冷:「如果身體濕咗、(衣物)冇保溫嘅作用,你着乜都冇用。」他補充,羽絨應在進行靜態活動才穿。

與其穿着大量衣服,適得其反,不如穿對衣物,以達最大保暖放果,鍾建民建議市民可考慮採用3層穿搭法。最底層衣物緊貼皮膚,所以要找一件具排汗功能的保暖內衣:「保暖內衣嘅功能唔單止要保暖,係要快乾,快乾嘅意思係會保持你嘅身體乾爽。」羊毛、綿等較難乾的內衣,則不太適合。

第2層則是中層衫,或叫保溫衫,「純粹係保溫作用,但要同內衣一齊合作先做到呢樣嘢,因為要將你嘅汗水排到出嚟。」鍾建民指,市面上也有不少不同價位的抓毛保溫衫(Fleece)可供市民選擇。「因為香港最大嘅敵人就係大風,佢嘅溫度唔會話好凍,所以件衫做到擋風其實好重要。」正因如此,鍾建民建議最外層可穿着快乾、透氣,而且可擋風雨的尼龍衫、風褸,而市民亦可按照溫度,調動保溫衫和風褸。

市面上的風褸選擇眾多,當中有風褸以內層為像錫紙般的反光物料作招來,不過鍾建民質疑其透氣程度:「嗰層膜好多時會使我哋嘅身體排唔到汗,當我哋去到好凍嘅地方時,呢啲膜可能先至有小小作用,但喺香港我就覺得唔係好大作用。」