網民熱話:$1粒藥老伯嫌貴猶豫 路人贈藥送暖

2018年01月14日 18:41
東網電視
更多新聞短片
飲食作家Kay在藥房遇見一位伯伯,對方為買一元一粒的藥物而苦惱。(Kay提供相片)

生病了應該看醫生,但對一些基層長者來說,求醫費用卻是「天價」,唯有到藥房自己配成藥治病。日前藥房內一名伯伯,因1港元1粒的藥物感昂貴而猶豫不決,剛巧在旁邊路過的女顧客眼見伯伯站在原地不知如何是好,她便主動為伯伯代為付款購買只需30港元藥物,她向東網表示,希望小小舉動可以為社會帶來改變:「面對被社會忽略嘅老人,面對不公嘅時候,希望撥亂反正。」

日前飲食作家Kay在Facebook貼文指,在藥房遇見一位貌似拾荒者的伯伯,戴着勞工手套,向店員查詢藥物價錢。伯伯當時詢問了3款藥物的價錢,店員指其中兩款藥物要1元一粒,伯伯因藥物價高隨即感到猶疑:「貴咗咁多?上次都仲係5毫子1粒」職員惟有表示,「價錢唔啱就冇辦法嘞,你畀下位先啦!」

在旁的Kay目睹老伯當時為難的樣子,於是隨即向伯伯表示代為付款:「每款30粒夠唔夠啊?」伯伯最初還是回絕Kay的好意:「我都有幾十蚊喺身㗎。但佢真係貴咗,上個月都係5毫子」但Kay就着他不用客氣,幫伯伯每款買了30粒藥物。

Kay接受東網訪問時表示,原本想提醒對方,感到不適要看醫生,但突然想到如果伯伯有錢看醫生,就不會連配藥都感到困擾,「講到口邊即刻吞返落肚。」她續指,貼出事件是希望呼籲其他人,無論社會「變成點」,都要繼續堅持幫助有需要的人:「香港每日咁多光怪陸離嘅新聞,被虐待嘅小朋友、被社會忽略嘅老人,相信我哋仲好熱血,雖然有時好似事與願違,但希望我哋唔好放棄」。

不少網民都對Kay大加讚賞,「這種愛,就是令香港成為有褔之地」、「好有愛,直接畀錢,有可能傷佢哋自尊心,所以幫佢買藥」。也有網民感概,清貧長者生活艱苦,「五毫,一蚊喺現今社會仲係錢?但偏偏弱小嘅一羣就等住嚟救命」、「病真係無得揀,生活困難嘅人最怕就係病,只求配最經濟嘅藥,繼續開工」。

網民有話說

Ling Wu:五毫,一蚊喺現今社會仲係錢?但偏偏弱小嘅一羣就係等住嚟救命

Chu Erica:好痛心老人家省錢而不捨得買藥!

Sandy Kong:唔知點解,睇完個鼻好酸… 病真係無得揀,我都聽過生活困難嘅人最怕就係病,有病嘅時候只求配最經濟嘅藥,務求繼續開工。

Cheng Oi Sim:這種愛,就是令香港成為有褔之地。

Alice Chan 好有愛,直接畀錢,有可能傷佢哋自尊心。所以幫佢買藥,送贈食物衣物都得

※緊貼網民熱話,掌握最熱話題,請關注網民熱話fb:
http://on.fb.me/1L3m1ro