政Whats噏：立會補選　區諾軒唔認係Plan B

立法會4席補選將於3月舉行，其中港島將由香港眾志周庭同新民黨陳家珮對壘。近日有傳若周庭被政府DQ，早前退出民主黨嘅南區區議員區諾軒將會係Plan B。區諾軒今天(16日)帶埋幾位日本學生同教授參觀立法會，點知當問佢遲下係咪會進入立法會，區諾軒就笑笑口行開，話要同班學生傾偈交流喎！區無正面回答，態度曖昧，唔通真係準備披甲上陣？

今午如常地有唔同團體到立法會參觀，其中一團約7人到各層參觀時，由一位講得一口流利日語嘅男子帶團，睇真啲先發現係區諾軒。有參觀者話幾年前喺日本認識區諾軒，當時區仲係留學生，今次「亞洲哈佛」東京一橋大學教授與5位學生嚟香港，順便搵老朋友介紹立法會。

區諾軒以日語介紹立法會的議員，又講解唔同黨派嘅分別，仲介紹埋最新修定嘅《議事規則》。同行嘅民主黨尹兆堅就以英語講解修改《議事規則》後削弱咗監察功能，可惜教授都只係點頭微笑，未能夠搵到知音人。不過教授大讚區諾軒嘅日語，話「Excellent(非常好)」！