每日一片：淺水灣道爭位　城巴旅巴司機嗌交封路

馬路駕駛，最重要沉得住氣，否則隨時小事變大事。日前一名城巴司機與旅遊巴司機在道路極為狹窄的淺水灣道因互不相讓而引發衝突，車長疑不甘被旅巴司機粗口「問候」，拒絕開車，實行與對方「累鬥累」，最終為來回行車線製造車龍。

據車Cam片段顯示事發於前日(16日)下午約3時半，當時一輛由赤柱往中環的260城巴沿淺水灣道行駛，由於現時道路狹窄，當來回線都是大型車輛時，大家都會慢駛通過。期間城巴駛近一個彎位時，一輛旅遊巴迎頭駛至，在「擦身而過」之際，城巴及旅巴雙雙煞停巴士，原來兩車相距太貼，於是匆匆煞停。

旅巴司機首先發難，唸唸有詞地批評車長駕駛技術，又以粗口怒罵車長，車長聞言即時發火，與對方展開一場粗口橫飛的罵戰。兩人互相批評對方在窄位沒有讓路，車長說：「你第一日入嚟呀，呢度不嬲都讓！」而旅巴司機亦回應：「我咪停x低囉，我有冇隊你？你衝埋嚟，仲想點！」又指車長：「大家係咪要慢慢就，你咁x惡，指手篤腳。」

期間兩人愈吵愈烈，有人更指要落車，似暗示以拳腳解決事件，不過此時車長表現突然轉為輕佻，一邊搖搖頭，一邊拿出水樽飲水，令情況僵持，而畫外聲，則可聽到大量響按聲，估計因二人爭執這段時間，已製造長長車龍。事後有人再將爭執結果片上載網上，兩人僵持一輪後，多名受影響司機，包括巴士車長紛紛落車調停，最終城巴車長開車離去。

網民看過片段後，反應兩極，有人認為旅巴司機駕駛態度有問題，亦有人指車長反應過激。不少網民同時批評雙方，「大家見到對方停一停就乜事都無，點知大家大安旨意對方讓。」城巴發言人指，已就事件展開調查。