港鐵App新增Chatbot互動查詢　搵路話咁易

「唔熟路添，究竟搭去邊個港鐵站同出口先比較近目的地呀？」呢啲對白係咪好似曾相識呢，約咗朋友去新地方唔知邊個港鐵站同出口較近？唔使再喺地圖上撳嚟撳去搵邊個出口近喇！港鐵的手機應用程式 MTR Mobile近日新增全新「Chatbot互動查詢」功能，只要直接輸入想去的目的地，程式就會透過對話「教路」，即時顯示離目的地就近的港鐵站同出口，以後想去邊都唔使怕啦。

東網記者最近率先實測港鐵這項全新功能，發現用法非常簡單。乘客只要開啟 MTR Mobile後，輕按底部全新的「Chatbot互動查詢」功能按鈕，就可以開始對話，提供就近的港鐵站同出口資訊。

記者就試下實測由將軍澳站去香港城市大學，睇下Chatbot點帶路。先在Chatbot輸入「香港城市大學」，功能就會極速回覆就近的港鐵站同出口，乘客仲可以查詢乘車路綫同預計乘車時間。

「Chatbot互動查詢」功能仲好方便易用，可選用流動裝置之鍵盤或語音輸入，無論中文或英文，包括廣東話都支援。除提供快捷路綫前往目的地，更可提供附近地標所在位置的資料。記者去完香港城市大學，要去公共圖書館借書，想知附近哪裡有公共圖書館呢，只要輸入「公共圖書館」，功能就會列出就近的公共圖書館，包括了距離和步行路綫，地點再難搵，都唔怕「蕩失路」啦。除了公共設施，連商場、街道、餐廳、屋苑等都搵到架！