吊臂撞橋：司機認「失魂」　累好多人好抱歉

駕駛「未收臂」吊臂車撞毀行人天橋的姓葉(63歲)司機，因撞斷鼻樑留院一晚後今日(21日)出院，葉在醫院多番表示因一時大意造成意外，他透露駕駛吊臂車30多年，「但失魂起嚟都冇辦法，我都好抱歉，累咗好多人」。

葉指昨日(20日)早上8時開工，至下午5時收工，在柴灣道筲箕灣東官立中學，將物件吊上學校球場後收工，由於吊運時打開支撐腳架，且放了不少枕木，吊臂雖早已收好，但為了將枕木放上車疊好，因此將條吊臂升高少少，放好枕木後就忘記再將條吊臂放低，結果出事。

葉又稱，若吊臂未收好，不會有顯示燈提示，開車時吊臂亦無特別大的擺動或搖晃，「開車時唔係好覺條臂冇收好，因為條臂唔係好高，只係高咗少少，冇留意，架車又落緊斜，變咗視線受阻，睇唔到上面，同時我又聽唔到有其他車「砵我」，如果我聽到一定唔會發生啦！」他形容出事時車速30至40公里，不過撞天橋一刻衝力好大，「我仲以為撞壆，但我睇嚟睇去都唔見有壆，就知道出咗事。」

葉被困車上一個多小時，鼻樑撞斷流血，他要不停抹血，消防員則安慰他，叫其留在車上不要亂動，後來有消防員升起雲梯將他救下。對於家人是否擔心，葉謂「我都唔清楚，但佢哋應該睇唔到我，應該睇新聞先知！」

對於今次意外可能要賠償幾百萬港元，問他是否擔心賠唔起，葉認為「擔心都冇辦法，責任係你嘅，你一定要賠，但要我賠，我都冇錢賠，惟有慢慢嚟，慢慢褪。如果責任上一定係晒我度，梗係我畀啦，因為自己大意。葉又補充，今次意外中，「機件故障機會不大」。