網民熱話：豪裝80呎劏房收$3600　業主被狠批冇人性

香港買樓難，要找到合適的居所難上加難。日前一位物業代理在多個Facebook群組發文，欲出租一個位於深水埗楓樹街的唐樓8樓劏房單位，實用面積80呎的單位，索價港幣3600元。貼文形容該房光猛有窗，「豪裝」，卻因一張「廚廁合一」照片，業主被網民批評「冇人性」。更有不少網民舉出其他租盤，「 其實上網搵吓好多都平過佢，真係好恐怖，唐8仲要劏80呎！」。

昨日（23日）有物業代理在多個Facebook群組發文，出租一個80呎的唐樓劏房單位，「楓樹街唐8F，豪裝，實80，多窗有床櫃，可即住，租3600。」貼文附有數張單位的照片，其中「廚廁合一」，馬桶上方的窗台位置放有電飯煲、飯碗及食油；房間及洗手間均設有窗戶，頗為光猛；房外走廊則採用雲石地板，乾淨企理。

然而，不少網民立即批評業主「冇人性」，該物業代理則回覆指「你知唔知如果唔係有咁多業主劏房，有幾多新移民或低收入人士瞓街呀，你哋真係身在福中不知福！」，又言：「市價依家係高到你唔信。」回應惹來更激烈的罵戰，有網民舉出不同地區的租盤例子，斥責該劏房單位太貴，「3600蚊租呢個單位叫做有福？你覺得值咩？45蚊呎租，我寧願瞓街慳返3600蚊好過。」亦有網民指出並非價錢問題，「而係有良心嘅唔會間到啲咁嘅房出嚟租。」

東網以租客身分致電貼文中的代理電話，一名自稱姓黃的男子接聽。他直言「3千零蚊都冇乜啦，依家啲房都好貴！」，並解釋現時位處油尖旺的劏房，平均月租約為港幣4100元至4200元，但都「好細，一個人住就差唔多，同埋大部分都係唐6樓、唐7樓。」他續向記者介紹一間近港鐵站的唐6樓單位，叫3700港元，「不過下面有『黃色招牌』囉！」

網民有話說

Kim Wah Chan：3600蚊仲要有窗，算係咁啦！

Acco Choi：其實劏房就已經係無人性兼要賺盡喇，況且依間所謂嘅平租，根本就唔係平。

Joan Ng：我剛租緊5分鐘內到地鐵120呎有12樓先$5200，隔離套房150呎才$5500，你覺得呢～ 但呢位業主唐8得80呎，$3600呀～

龍馬：我有親人住佐敦唐5細過佢環境惡劣過佢都$4500，水電超貴！

※緊貼網民熱話，掌握最熱話題，請關注網民熱話fb：

http://on.fb.me/1L3m1ro