野豬闖第一城覓食　卡鐵欄半天吊走唔甩

一隻約80厘米長野豬，下午5時許闖入沙田第一城商場，保安員發現後對其進行驅趕，導致野豬亂闖亂走，有市民受驚尖叫。野豬繼而衝入一間咖啡店，客人見狀雞飛狗走，紛紛離座避開。未幾，野豬被保安員趕入停車場，警員亦接報手持盾牌趕至，並通知漁護署人員到場一齊捉野豬。由於野豬亂衝亂走，警員一度束手無策。

至晚上8時許，野豬欲穿過停車場鐵欄走到得寶街，身體卻被卡住，半天吊動彈不得。漁護署人員隨即上前綁住豬腳，並合力將野豬捉住及救離鐵欄，最後將其放入鐵籠運走，野豬擾攘了約3小時始被制服。