每日一片：行李放後座要收費？港女話的哥濫收車資

「嗰個叫做手提行李唔需要畀錢呀！」再有乘客因的士行李費與司機爭拗。荃灣海濱花園昨晚（4日）深夜時分，疑女乘客因其中一件大件行李放後座乘客位，司機因此收取該件行李費，但乘客認為司機濫收車資因而報警。可憐街坊被2人大聲爭吵滋擾：「聲大就啱？嘈住街坊瞓覺。」

從事後被上載到Facebook群組「巴打絲打 Facebook Club」的影片所見，當時攜帶大量行李的一名女乘客已落車，並與涉事的士司機就一件放在後座乘客位行李發生爭拗。乘客大罵的士司機：「嗰個叫做手提行李唔需要畀錢呀，我話畀你聽！」有路人見2人嘈交嘈住街坊便介入調停事件。

「嘥氣，我依家唔同你玩，你真係多餘！」的士司機見一直僵持，又擔心報警阻繼續做生意，一度上車希望離開。但女乘客堅持司機濫收車資，大叫：「正常係唔需要收錢…我依家報警你唔好走。」

同行友人站在一旁報警，警方事後亦到場了解事件。雖然有人認同手提行李不應收費，但有網民表示：「體積大過140cm已經要收，話之你入車尾定車廂。有事剩係報警，無事又鬧警。」

警方發言人回覆指，昨晚（4日）11時17分一名28歲姓鍾的女士報案，指其在青衣上車，到達荃灣海濱花園時，與57歲姓周的士司機因要收取一件行李費而發生糾紛，警員到場了解，列作糾紛處理。