因應流感疫情嚴重，港府宣布小學及幼稚園明日(8日)起提早放年假。九龍城區家長教師會聯會會長陳鳳雯批評港府後知後覺，流感已在多間學校爆發了一段時間，港府應及早作出應變及預早通知家長，以便家長盡早安排人手照顧小朋友。

陳鳳雯表示，區內不少學校原本下周二或下周三開始放年假，部分學校則定於本周五舉行迎春活動，現時突然公布明日起停課，令不少家長，特別是在職家長措手不及，「有啲在職家長，好難臨時請假湊小朋友，加上小學絕大部分全日制，好多家庭都無請工人姐姐湊，突然停課，佢哋好難安排。」

她又指，不少學校早已先後爆發流感，加上本周天氣持續寒冷，港府應及早思考如何應變，提前數天通知家長有關停課安排，「唔係好似暴雨警告咁，臨時先知，臨時公布。」

南區家長教師會聯會主席劉穎欣亦指，不少在職小學學生家長反應，明天仍需返工，難以臨時安排他人照顧子女。她認為，即使小學及幼稚園停課，當局亦應提示學校繼續開放校園，讓有需要的家長將子女交回學校託管，代為照顧，「起碼畀學生留學校，獨留家中仲危險」。

網民有話說

ivyivyivy1:雙職家長。咁點算，我小孩都冇病。

pinkochang:其實真係打亂雙職家長，要搵人湊或自己請假都太急，我覺得主要小朋友病咗仲推個小朋友返學嗰D家長搞成咁

hellohelloruby: 3月又考試，D嘢又教唔切，放完假返嚟要追返晒D功課仲辛苦。

yuyueng:其實我覺得不如幼稚園可以讓家長自行決定返唔返，小學無需要停課，不過所有幼稚園及中小學就要做好衛生，例如所有學童要帶口罩，進校門前要消毒，有病一定不能上課等，並唔系(係)停課。

cindae:啲小朋友成個新年都唔會出街嘅，唔洗(使)拜年嘅，日日喺屋企嘅，街啲人都係冇病嘅，係咪咁所以停課安全？