你要知：洗邋遢無難度　輕鬆拆解4大家居難洗位

又到農曆年尾，相信大家都忙於大掃除迎接狗年。抽油煙機、爐頭、抽氣扇、鏡面，隱藏最多污漬，又最難清潔。面對一屋污垢，「臨急抱佛腳」都唔怕，僱員再培訓局「樂活一站」家務助理Amy 教路4大「洗邋遢」方法，就可輕輕鬆鬆令家居「立立令」迎新年。 難洗位1：抽油煙機 先將抽油煙機的配件拆下，在所有配件噴上1比3的廚房清潔劑，等待10至20分鐘。等候期間，可用噴上1比3廚房清潔劑的百潔布「省」一下抽油煙機的中心，然後開着抽油煙機抽一會，再噴上清水再抽一會，之後將抽出的污垢倒走。 然後，就可以用百潔布「省一省」配件，再用清水清洗及乾布抹乾，將配件裝回，整個清潔程序就完成。Amy提醒，「等10至20分鐘係重點，唔等啲漬唔會甩，幾大力洗都無用。」 難洗位2：爐頭 同樣將爐頭的配件拆出，噴上1比3的廚房清潔劑，等待10至20分鐘。等候期間用噴上廚房清潔劑的百潔布「省」爐頭周邊，再用濕布及乾布各抹一次。Amy叮囑，「濕布抹完之後，要用乾布，就可以確保爐頭上唔會有水漬，唔同百潔布嘅清潔效果亦會有所不同，要小心選擇。」之後，可將配件用百潔布「省一省」，再用清水清洗及乾布抹乾，將配件裝回。 難洗位3：抽氣扇 將抽氣扇的扇頁拆下，同樣用噴上1比3的廚房清潔劑的百潔布清潔，不用等待，可直接用清水清洗，然後用乾布抹乾。至於抽氣扇的外框，用百潔布清潔，之後用濕布及乾布各抹一次。 難洗位4：鏡 至於鏡面或浴室玻璃，清潔時切記要用海綿，不要用百潔布的那一邊，因為會割花鏡面。用噴上玻璃清潔劑的海綿清潔鏡面或浴室玻璃，然後用濕布及乾布各抹一次。Amy指出，不是所有布都適合做乾布，抹乾水漬：「最好用一啲舊毛巾或者舊純棉底衫，因為唔會甩毛，可以徹底抹乾水漬，無痕迹。」 最後，Amy提提大家潔時謹記關掉電源、戴手套及口罩，保護自己。不過，下年不想再臨急臨忙大掃除，建議一星期清潔一次家居，就可以時刻保持清潔。