被截停即捱撞　18日新車受損　車主：搵邊個賠

粉嶺公路昨日發生涉及5輛車的2死4傷車禍，當中一輛日產私家車「車Cam」拍下肇事一刻，車上的姓鄭車主夫婦同告受傷。鄭接受《東網》記者訪問時大嘆人傷車更傷，「我架車落咗地18日，前日先做完鍍膜，跟住畀人好似篤波咁篤上嚟，……撞爛咗車尾，都唔知搵邊個賠。」鄭坦言日後對駕車有陰影，他及妻子今日亦告病假，沒有上班。

鄭為的士司機，妻子任職文員，他駕車10多年，他憶述昨日事發時，與妻子駕乘價值32萬港元的新車，由元朗往西貢找朋友，至車禍現場時，「見到個阿Sir追到上嚟，跟住打手勢叫我哋減慢車速，之後仲示意我停車，……點知唔夠幾秒鐘，後面就有車「隊」上嚟。」

「撞完車嗰一刻，我就落車睇下，見到阿Sir瞓咗喺地，好似痛到開唔到聲，後面架車（本田）翻咗，個司機趴咗喺地下，成面血，冇晒知覺，我諗住行埋去拍佢，點知佢架車漏油，我即刻行開等警察嚟。」鄭表示初時亦未知警員何以截停其車，其後才知是在追截可疑車輛，他質疑警方行動時並無考慮其他道路使用者的安全，令其無辜受傷及財物受損，會考慮是否作出投訴。

警察公共關係科表示，警方會不時檢討交通政策及執法行動，打擊危害道路安全的行為，保障公眾安全。警方進行任何執法行動均為保障市民的生命和財產，而市民的安全是考慮的首要因素之一。警方就截停車輛有制定指引。警方現正就今次行動進行深入調查，並會與該宗交通意外的相關人士作出跟進。