紙皮婆婆險象環生　私家車「護航」竟招劣評？

20180214
  • 東網電視
    更多新聞短片
    私家車司機係咪想護航呢？（設計圖片）
    老人家在馬路推着一大車紙皮，身邊車來車往，真係睇見都牙煙。近日就有網民發現，有司機疑為紙皮婆婆駕車「護航」，看似善心的舉動，卻惹來網民一片劣評，到底所為何事？
    發貼者在社交群組「小心駕駛（討論別人駕駛態度）」上載片段，他表示星期一（12日）下午約6時，在旺角染布房街及窩打老道交匯處，有一名老人家正推着堆至人高的紙皮，橫過該十字路口，其時不斷有車輛高速地在老人身邊駛過。
    正當旁觀者揑一把冷汗之際，一輛白色私家車突然慢駛至老人家旁邊，並隨着他緩緩前行，疑為老人家「護航」，提醒其他駕駛者注意。
    不過仔細一看，當時不少車輛正從衞理道直駛入染布房街，該白色私家車從染布房街右轉，隨時撞上直行車輛。翻查資料，該路段亦設有「不准右轉」的道路指令標誌。
    片段引起網民議論，有人認為私家車為老人家護航的行徑「抵讚」，但亦有不少網民質疑，白色私家車是借「護航」之名，違規為實︰「呢招好嘢」、「咁都畀佢諗到」。
    根據《道路交通（交通管制）規例》，任何人不遵守交通標誌及道路標記，即屬犯罪，如首次被定罪，可處罰款5,000港元及監禁3個月，其後再被定罪，可處罰款10,000港元及監禁6個月。
    至於白色車司機係真護航定博大霧？就不得而知啦。大家不妨睇片，自行判斷啦！
    ---------------
    《港呢啲》：大事小事騎呢事，東網嚴謹選題，輕鬆製作！