搜查線：萌爆狗狗拜年技巧 搵利是最高難度
20180216
東網電視
更多新聞短片
學識拜年技巧，狗狗必定萌爆全場！
農曆新年來到，適逢狗年，絕對是「狗狗大晒」。一眾毛小孩平日已經惹人喜愛，今年更加可以攞正牌賣萌「?利是」。愈來愈多主人會在新年期間，帶同家中毛小孩向親友拜年，一家人喜氣洋洋之際，狗狗如再表演數個小把戲，既可增添熱鬧，又可藉機「?多啲利是」。不過，要訓練毛孩「成材」都要識得其法，東網請來資深訓犬師，教各位主人如何教狗仔做出「請請」、「穿腳花」和「搵利是」！
為慶新春，主人除為狗狗買件靚衫和「恤個靚髮」，還有甚麼方法增加牠們的可愛值？香港犬隻訓練總會創辦人張松照表示，要訓練狗仔做出小把戲，只要有耐性，其實唔難！ 首先是拱手「請請」恭賀新禧，「譬如隻狗好活潑嘅，成日攞手抓你，咁就可以拎住粒食物，上下擺動搖，佢就會抓你粒食物，再畀個command『請請』，佢抓第一下就畀佢食，重複又重複，咁狗狗就會將『請請」同個動作聯想起嚟！」
而「穿腳花」，指的是主人逐步向前行，而狗狗則以八字形在主人雙腳之間穿過。張指，訓練時可用上狗狗喜愛的食物或玩具引起注意，再將食物或玩具放於要牠行走的方向。這個動作講求狗狗與主人的默契和合作，需反覆練習。而「搵利是」這個動作，則屬難度最高。在數個有蓋的箱子內，只有一個放有利是封，狗狗要在其中找出利是封，沒有「透視眼」該如何做到？
「最初可以用佢玩開嘅波(或玩具)加埋利是封放入箱，因為個波有佢嘅氣味，佢會識搵咗個波先，再會搵到利是封。整整吓你就甩咗個波，隻手摸吓個利是封，之後畀隻手氣味佢聞，重複重複咁試！」張指，期間如失敗了，可還原基本，將玩具再放回入箱，直至狗狗成功做到以上動作。
張松照提醒，主人訓練狗隻時切忌操之過急，要讓狗狗有足夠休息時間，否則只會適得其反，「時間唔好太長，做咗呢個動作好嘅，大約15分鐘，就要休息吓同佢玩吓！」他又指，教狗時要賞罰分明，但絕對不可暴力對待，「想罰佢呢，就用指令、大聲、chok吓條狗繩啦，絕對唔好傷害隻狗。」只要有愛心和恆心，狗狗必定可以感受主人心意，訓練時自然事半功倍啦！
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！