網民熱話:多區私放煙花除舊歲 藍田最精彩

20180216
東網電視
更多新聞短片
多區都有市民放煙花。(Boris Bus Image fb/香港突發事故報料區fb)
雖然今年煙花匯演取消,但多區都有市民私下放煙花,精彩程度仲不下於官方的匯演。在過去年三十晚都有「非官方煙花匯演」的藍田,今年亦不例外,有網民今晨(16日)在Facebook上分享片段,只見多發綠綠紅紅的煙花,在漆黑半空中連環爆發,並傳來「劈哩啪啦」的聲音,場面非常壯觀。屯門兆康及觀塘安泰邨亦有網民拍得放煙花的片段,但場面就不及藍田精彩。
網民對於私下放煙花的行為就有讚有彈。有網民直指,「過年本身應該就要咁」,「幾好呀,有免費煙花睇」,又讚賞放煙花的人「揼本」,「真係藍田街坊集體回憶」。但有人就質疑私自放煙花愈來愈公開,是否令放煙花合法化,批評「不知所謂」、「痴線㗎!」又指:「香港咁多高樓大廈,好危險隨時火災,為一時玩樂博出位,咁做好自私。」
執業大律師陸偉雄表示,煙花及炮仗屬危險品,市民擁有或燃放煙花炮仗即屬違法。根據《危險物品條例》,任何人製造、貯存、管有、出售任何煙花炮仗,一經定罪最高刑罰為罰款2.5萬港元及監禁6個月。若市民燃放煙花炮仗當場被捕,警方可根據《簡易治罪條例》第四條控告,不過法官判刑時會考慮節日氣氛等因素,有機會僅判處罰款。陸又指出警方執法困難,因難以當場捉到點火燃放煙花炮仗的人士。
網民有話說
Joe Leung:度度有煙花!區區變圍村!
Kwok Chiu Leung:愈泥(嚟)愈公開
Chin Kitnam:真係藍田街坊集體回憶,年年都有,以前有埋炮仗,而家少咗。我諗唔關大唔大陸事,香港都有自己傳統
李湛斌:煙花都夠膽放,我諗下次放埋炮丈(仗)
Keeping Chan:久未聞此聲音!