綿羊仔自炒男女倒地傷　好心司機停車協助險捱撞

吐露港公路發生交通意外。晚上近8時半，一輛往粉嶺方向行駛的綿羊仔電單車，駛至太和邨對開時疑失控自炒，姓毛(27歲)男司機與姓吳(34歲)女乘客墮地受傷，購物袋及禮物散落一地。

尾隨一輛黑色七人車姓鮑(33歲)男司機見狀，遂打死火燈慢駛，示意前方有意外發生，並報警求助。鮑其後落車與毛扶吳女上七人車休息，並走到車尾指揮交通。未幾一輛由姓何(42歲)男司機駕駛的黃色私家車駛至，疑收掣不及直撼鮑的車尾，坐在七人車後座的吳女一頭撞上座椅頸枕再次受傷，2名傷者其後送院治理。警方正調查意外成因。

據鮑稱，他在大圍放工駕車駛至上址時，發現該對男女身坐在慢線，皮膚擦傷，於是停車協助。其後有私家車直撞其車，幸他及時避開。對於座駕受損，他稱「算啦！人命冇事，如果我唔幫佢地截住，第日睇報紙如果有意外個心會唔舒服」。