掃把佬車禍：自責村民回應指控「人在做天在看」

新浪潭奪命車禍中，自稱救唔到人而感到自責的姓曾村民，事後在fb回應，指相信自己便是懷疑車禍傷者的錄音中所指，被阻止上前救援的青年，但他稱自己當時並無理會其他人阻止，「照舊埋去嘗試救人」，同時，阻止他的並非村民，只是駕車途經當地，直言那位司機較自己更早到現場。但他亦道：「算吧，人都死左(咗)，人在做，天在看，傷者，既然你講得出既(嘅)，希望你真係對得住死者家屬……」。

事件惹來網民熱議，有網民指：「其實真係好難怪邊個邊個唔救人，而家事實係，在場既（嘅）人都唔會知架車著火係唔係等於會爆炸， 而如果估佢會爆炸既（嘅）話又唔知有幾多時間救人…...好老實，專業既(嘅)人去救火救人都有裝備啦…...一個受傷既(嘅)人，一個踢拖出黎(嚟)既(嘅)村民，又可以做到幾多呢…...！」

亦有網民表示：「我就無咁專業咁多分析咩移動傷者又話加重傷勢，嫁（架）車著火燒緊，救佢可能仲有機會，唔救只有死……不如咁講，如果裏面果個係你親人或者係你兄弟，你又會點？只可以咁講，盡自己能力。」