政Whats噏：雙學三子坐監　李柱銘話有益

天主教正義和平委員會今晚(22日)舉行祈禱會，外號「李漢奸」嘅民主黨創黨主席李柱銘喺分享時自稱喺多名社運人士入獄期間，曾到監獄探望佢哋，包括社民連副主席黃浩銘、「雙學三子」其中二人，即香港眾志秘書長黃之鋒和學聯前秘書長周永康，又話「這次佢哋坐監，其實對佢哋有益嘅」，認為佢哋喺獄中能反思。

李漢奸話探望在囚嘅社運人士時主要係討論法律事宜，並指完全唔需要為佢哋擔心，因為佢哋喺獄中會思考自己過去喺佔領行動時會唔會太衝動。佢又話年輕人錯冇問題，最緊要係知錯能改。佢更直言，「如果講從政錯得最多嘅人，應該係李柱銘」，但又指自己唔係因為年紀比較大而錯，而係喺年輕時已「錯得多過人」。

對於香港多年來無法爭取民主同雙普選，佢直言「話無失望就呃你嘅」，又話當人嘅失望開始時，會睇到前景，又指年輕人出來爭取民主，用乜嘢方法都唔緊要，有啲方法或會較激進，並形容爭取民主係馬拉松，只要繼續奮鬥，民主必會到來。不過，現時48名佔中搞手中，只有9名被檢控，而包括李漢奸在內嘅39名搞手仍逍遙法外。莫非係因為佢仍未被起訴，所以喺度講風涼話？