玩命有價？天台危攝頻出事　原來張相咁值錢

攀上逾百層樓高的大樓，單憑想像或已令你腳震震！偏偏有青年獨愛箇中感覺，年半以來登上一座接一座的摩天大廈，為的只是一張靚相？

唐樓天台兩旁不見欄杆，再踏前一步，足以令人粉身碎骨。但Oscar面上未見一絲恐懼，反笑稱：「平時我唔去咁矮嘅大廈，我去開嗰啲」，並遙指着遠處高聳入雲的大樓。

他一年半前開始接觸天台危攝（Rooftopping），甚至曾登上全球第四高的深圳平安國際金融中心。中心高逾百層樓，比全港最高的環球貿易廣場還要高出近百米，「上到去聽唔到車聲人聲，成個城市突然間寧靜咗」。

Oscar會將拍攝的作品放上Instagram帳戶，至今吸引逾7,000個用戶追蹤。每張照片均令人捏一把汗：要不站立於天台邊緣、要不危站在幼細的鐵柱上。看似危險，Oscar卻稱內有玄機，「有時攞角度都好重要」。

對於Oscar來說，rooftopping並非燒錢玩意，反而還帶來經濟收益：「一張相都賣到四至五位數字」，他指不少本港及外國網站會向rooftopper採購照片，亦有公司會邀請他們為產品拍攝宣傳照。

但他強調：「我唔係為錢，我鐘意rooftopping嘅感覺」，本身為攝影師的Oscar，為拍攝與別不同的香港面貌而開始rooftopping，年半來遇上不少驚險場面，有同伴甚至險從300米高處跌下。較早前有內地rooftopper樂極生悲，鬧市玩極限運動會否害人害己？Oscar說：「呢樣唔係傷天害理嘅事，我想大家睇到呢個香港唔同嘅樣」。

想知天台危攝咩感覺？去片啦！

---------------

《港呢啲》：大事小事騎呢事，東網嚴謹選題，輕鬆製作！