網民熱話：小巴疑撞斃狗狗 目擊者斥司機冷血
20180225
東網電視
更多新聞短片
唐狗疑被小巴撞倒後身亡，網民發貼文譴責撞狗後不顧而去的司機冷血。（受訪者提供相片／設計圖片）
兩日內第2宗狗隻被撞！有網民在元朗發現唐狗被撞，送至診所急救不果，狗狗傷重吐血身亡。網民紛紛怒斥該不顧而去的司機冷血，「一定有報應」。有聲稱是目擊者的網民在貼文中留言，指當時正正坐在事發的小巴上，形容司機在撞倒狗狗後稱「X！隻狗突然衝出馬路，點煞得切呀」便駛走，坦言覺得好內疚。
網民Cathy前日（23日）在社交平台上發文，指在元朗大棠路一間油站附近，發現一隻唐狗疑被小巴撞倒後重傷。她即時將狗狗帶到診所急救，但「下顎斷咗，吐血，救唔返 。」她及後找善終安排後事，並將狗狗命名為油油。「男仔，已絕育，冇晶片」她在網上呼籲「係主人嘅可以pm我，見狗狗最後一面。」
不少網民紛紛譴責撞狗後不顧而去的司機冷血。Cathy在晚上更新貼文，表示「有目擊者見到，係元朗去大棠循環線嘅紅Van」，而該目擊者正正就是該小巴的乘客。「人在做天在看，依家一條生命就畀你撞死咗，你有感覺嗎？」
Cathy回覆東網時指，事發當日她路經上址，發現一隻唐狗躺在路中心，故下車救狗。「當時見到油油仲有啲抽下抽下，唔知係仲有反應定係已經死咗嘅嗰啲神經反應，所以即刻想帶佢去獸醫診所急救。」他們5分鐘後到達診所，油油已經離世，隨即找善終公司待火化。她又指，「知道警察係一定唔會受理」，因此並無就此報警。
「我真係好嬲，我搬入嚟元朗10個月，已經執咗3隻毛孩嘅屍體，頭嗰2次係肉醬！！」Cathy認為司機們應小心駕駛，「假設今次衝出嚟嘅唔係狗，而係佢自己嘅親人，我相信佢一定會煞車或者扭軚去避。」她亦建議政府早日立法修例，「可以有個阻嚇性畀各司機，請學識尊重生命！」
乘搭出事小巴的乘客Jacques坦言覺得「好內疚」，「知道油油走咗我真係喊咗，心情都好難平復」，並表示「好多謝救狗嘅好心人」。她解釋，當日下午2時許，她在元朗千色匯附近小巴站上車，準備前往大棠，開車後不出2分鐘便發生意外。正當車上乘客議論紛紛時，男小巴司機說「X！隻狗突然衝出馬路，點煞得切呀！」及後一名7人車司機開車窗指罵小巴司機，小巴司機回指「咁我都唔想㗎，佢突然間衝出嚟！」但並無停下來的意思，她只好在下一站下車，尋找被撞油油的蹤影。
網民有話說
Ky Wong：一路好走，去到彩虹橋唔會再畀車撞，亦都唔會再遇到啲咁仆X嘅司機！RIP
Hill Cheung Gto：大棠小巴啲司機，十個有九個都係職業車手。
Chan Wan Hon：司機太冷血了，但大家也不要因為油油而作這麼多口孽，希望油油可以安息。
※緊貼網民熱話，掌握最熱話題，請關注網民熱話fb：