雞同鴨講釀衝突　醉洋漢嬲爆搶走的士「自駕遊」

的哥唔識英文落車向行家求助，遭洋漢搶走的士「自駕遊」。銅鑼灣凌晨發生搶車案，一名年約40至50歲、帶有酒氣的外籍男子，今晨2時許，在銅鑼灣勿地臣街1號時代廣場對開截乘一輛冚旗的士，並用英語表示前往灣仔，但未有清楚交代正確地點，但因為「雞同鴨講」，加上姓吳（63歲）的哥不諳港島街道，只好落車截乘另一輛的士「求救」，而該的士亦願意接載洋漢。

洋漢見狀以為吳拒載，先在的士上逗留一段時間，及後落車不斷猛力搖晃 右後車門旁，又走到右前車門，起飛腳踢爛該門。吳見狀即時走上前喝止，詎料對方伸手拍跌其眼鏡，並一度欲打吳，吳即時着女途人代為報案，洋漢疑深深不忿，強行跳上司機位「乘客變司機」，將的士駛走，的哥無奈報警求助。

警方接報趕至，於相距現場140米外，即波斯富街114號對開發現被駕走的士，的士兩道車門損毀，幸放在車廂內的電話及金錢無被偷走，惟洋漢已逃之夭夭，警方在附近兜截亦無發現。警方經初步調查後，將案件列作「擅自取去交通工具」及「刑事毀壞」，交灣仔警區刑事調查隊跟進，正追緝一名年約40餘歲，中等身材，約1.7至1.8米高，案發時身穿白色上衣的外籍漢歸案。

事發後，吳無受傷，留在場助查，他表示駕駛的士逾10年，近2年轉駕夜更的士，首次被人搶車，他憶述：「我唔識路，我九龍車嚟，而且我只係停喺紅綠燈，佢就走上嚟，我又唔識講佢啲說話……可能佢條氣唔順啩，就整爛咗我部車」。吳又提到：「佢（洋漢）身有少少酒氣，但應該唔會醉」，他對今次無妄之災大表無奈。